Somlang

Gloria in jail: Antoy ontumbok ya gaween? What's next?

2012-01-12T15:08:00.001+08:00

Kaokolan ya ikolong si GMA ed ordinaryon pangawan, aliwan diad ospital.

We must ensure the conviction of Corona. Then, start reforming the judiciary by requiring all justices and judges down to the lowest court to declare their SALN. The judiciary must not use fiscal autonomy pretext to evade transparency and accountability. Say Korti Suprima et aliwan atagey ni nen say ley. The Supreme Court is not above the law.

Pass a law that requires cases to be decided within six months after it has been filed. In other words, we must ensure the efficient and fair delivery of justice.

Prosecute the Marcoses. That Imelda is still able to tell her lies to the public and has not spent a second in jail is a testament to the ineptitude and corruption of Philippine judicial system. Recover the billions of dollars stashed away in Swiss and other banks. We must cripple the Marcoses financially so that they cannot use their ill-gotten wealth in their quest for political comeback.

Pass the anti-political dynasty bill, the RH bill, the Freedom of Information bill.

Abolish the pork barrel, which is the fount of corruption. It is not the business of congressmen to build waiting sheds for the sake of name-recall during elections but to legislate wise measures. Abolishing it will also discourage unscrupulous people from running for public office since they see it as the easy way of enriching themselves.

Elections must be supported by the state to encourage right people with right mindset to run for elections and to discourage vote-buying and excessive electoral spending.

Focus on the economy.

Encourage OFWs to invest in the country with viable support system in place to avoid unnecessary red tape and delays.

Build a modern railway system that will connect towns and cities in Luzon, Visayas and Mindanao to international airports and seaports which becomes, in the long run, a boon to the industry and tourism in particular and to the economy in general. An efficient transportation system like trains is imperative and indispensable in an economy hoping to join the First World in the next twenty years.

Strengthen Philippine agriculture. Ensure a rice productivity that will enable the country to export by 2013.

Revise the constitution. Shift from unitary to federal and from presidential to parliamentary. Allow the regions to flourish, economically, culturally and politically.

Pestaño murder: Say post-Marcos military corruption gimmapo nen panaon nen Fidel Ramos

2012-01-12T13:58:00.001+08:00

Nen 1995, sakey ya navy ensign ya manngaran ya Philip Pestaño so pinatey lapud asukayan ton korapsion ya nagagawa.

Antoy ginawa nen Ramos ya sayan kaso et niyakar ed kargo na Ombudsman nen 1998 labat?

Taloran taon ya inatey may too anggapo so katunongan ya nalmo lapud apikewet ya hustisya.

Saray asukayan nen Pestaño:

1. iray troson iligal ya aputir ya labay ya ilako daray atatagey ya totoo ed Philippine Navy, AFP tan arum ni ran totoo ed gobierno;
2. sako-sakon shabu ya bilyon so bili to;
3. iray armas ya ilako na militar ed saray Abu Sayyaf.

Wala kasi betang nen Enrile tan Ramos ed saraya?

Lagi.

Nen 2009, say Ombudsman ya uuloan nen inutil tan istupidon Gutierrez so nan-dismiss ed kaso.

Natan ya taon labat nen panaon nen Ombudsman Carpio-Morales ya say kaso et aliwan suicide no ag ingen murder. Iray totoon amatey ed sikato: Capt. Ricardo Ordoñez; Cmdr. Reynaldo Lopez, Hospital Man 2 Welmenio Aquino, Lt. Cmdr. Luidegar Casis, Lt. Cmdr. Alfrederick Alba, Machinery Repairman 2 Sandy Miranda, Lt. Cmdr. Joselito Colico, Lt. Cmdr. Ruben Roque, PO1 Carlito Amoroso tan PO2 Leonor Igcasan.

Sikaton wala lay 16 taon so apalabas ya anggapoy hustisya ed si Philip.

Say lamut na korapsion ed Pilipinas et say corrupt ya Philippine judiciary.

No arisolba ya nen 1996 tan naibelyaw so korapsion ya nagagawa ed AFP, wala kasi ni Carlos Garcia tan Jacinto Ligot ya onpaway nen embeneg iran taon ya nantakew ed pondo na gobierno?

Ag nayarin orasan nen Ramos so lima to ed sayan agawa ed si Philip tan say korapsion ed militar ya ginmapo ed administrasion to.

Reckless Enrile and coup d'etat: Say militar labat so makapantonda na impeachment?

2012-01-03T21:20:00.000+08:00

Sayan panagbasa et nisaral ed pinmaway ya balita ed sakey ya palapagan. Marakep komon no nabasa so intiron transcript na interbyu ya inter nen Enrile ed radyo.

Kuanen Enrile, unong ed pinmaway ed PDI, ag nayarin mibabali si PNoy tan say Korti Suprima ed nagawan impeachment trial. Tan anggapoy nayarin mandikta ed sikato, say Dios labat tan saray totoo.

Balet diad ontombok, say kuanto, say kasil na militar labat so makapantonda ed sikara nipaakar ed impeachment. Diad Inglis, say kuanto: “The only one that can stop us is the might of the military.”

What? Anto? Why invoke the military when it is unconstitutional for them to engage in politics? Are you insinuating coup d'etat against PNoy similar to the ones you instigated against Cory?

The military cannot stop the impeachment trial given the current somewhat stable leadership after the corrupt GMA administration. Is the military restive? Is the military the magnet of popular leadership when in fact they are mired in the very corruption that the people wanted to eradicate?

Sakey labat so nibaga ed saya: he is sowing something suspicious. Better for PNoy to carefully watch Enrile's moves.

The statement should not have been spoken in the first place. It is utterly irresponsible for a senator to say this thing in public, one who is known to have studied the law, a pretentious constitutionalist in fact.

Pinmaway ed dila to kasi so gabay ton nagawa?

Was it slip of the tongue?

Ag nailaloan ya bawien nen Enrile sayan binalikas to.

Say lurey ya si Joker Arroyo

2012-01-02T00:15:00.004+08:00

et nen say ibabagan "human rights lawyer, freedom fighter" tan "anti-corruption crusader" nanmaliw ya manangiyagel na inkaruksa daray walad oley tan inkaganid daray walad pwisto.

Iray kasalanan nen Enrile, senator, martial law henchman, logging kingpin

2012-01-01T23:17:00.001+08:00

Say masiken ya kaokolan lan manpainawa ed Sinado ya si Juan Ponce Enrile et dakel so kasalanan to ed baley.

1. Ag ni adusa ed ginawgawa to nen panaon na Martial Law nen sikato et right hand man nen diktador ya Marcos tan kaibaiba nen Fidel Ramos ya sakey met ya corrupt tan manag-antabay na Martial Law.

2. Sikato so sakey ed utek daray kudeta nen panaon nen Cory Aquino ya nanpirwisyon baleg ed ikonomiya tan angiyanak ed sakey ya useless ya politikon si Honasan.

3. Baleg so kasalanan to ta sakey met ya abindisyonan ed takew daray Marcos.

4. Sakey sikato ya amatey ed saray katakelan na Mindanao ed logging companies to.

Nipaakar ed sayay otit, ibabaga nen Enrile ya say rason na delap ed Cagayan de Oro tan Iligan et nayarin say danum kono ya inpaway na saray dam ed Mindanao.

Is he trying to defuse the attention on illegal logging that is seen to be the primary cause of flooding aside from the high volume water that Sendong had poured over those areas?

Lagi.

Natan, Pnoy no sinsiro kan patondaen so illegal logging, ngaranan mo pa irayay illegal logging companies ompano sakey ed saraya et subsidiary na JAKA group of companies ya gawa nen Enrile!

Say ebat nen Corona ed impeachment complaint

2011-12-27T15:22:00.000+08:00

Diad samay ebat nen Corona, wala iray abistaan ko ran lingo. Ipapanengneg to ya pinekewet daray abogado nen Corona say sakey ya artikulo.

Saya so insulat kod sakey ya palapagan bilang kominto:

Kindly read the soon-to-be-published article by Laarni Escresa and Nuno Garoupa as cited in the Corona answer to the impeachment complaint. It seems that Corona lawyers did not read the proviso that it cannot be cited nor quoted. More grievous is the fact that they maliciously used the authors to support their claim that in no way was Corona partial to GMA when in reality table 2 of the study, Corona registered 14 pro-GMA votes and 5 anti-GMA or 74 % pro-administration, NOT 8 pro-GMA votes and 28 anti-GMA votes or 29 % pro-administration as given in the answer. On the other hand, Carpio registered 11 pro-GMA votes and 9 anti-GMA votes or 55 % pro-administration, NOT 19 pro-GMA votes and 11 anti-GMA votes or 66 % pro-administration as alleged in the Corona rebuttal. Brion had a 100 % pro-GMA votes as he casted 2 votes and 0 vote anti-GMA, which is in full contrast to the Corona reply that Brion had 5 pro-GMA votes and 8 anti-GMA votes or 33% pro-administration. Authors also conclude that, my apologies to the authors, "Perhaps aware of the crucial role by the Supreme Court and the Chief Justice, she [GMA] appointed individuals within her circle of influence. She appointed three chief justices and ignored the tradition of appointing the most senior twice. She bypassed Puno over Panganiban in 2005 and bypassed Carpio over Corona in 2010." You can download this at http://www.law.illinois.edu/_shared/pdfs/Philippineproject20101110.pdf.

Anto so formula nen Sendong ya amatey na 1500 ya totoo?

2011-12-27T12:17:00.001+08:00

Say inkalabes na agawa ed Cagayan de Oro tan Iligan ya angitilak na makapataktakot ya inkidiral tan patey et walaay formula.

Say gross incompetence nen PNoy iyarum dia so inkakapoy na NDRRMC ya papangoloan nen Benito Ramos + iray lokal ya opisiales na CDO tan Iligan ya onoogip ed pwisto tan masiban minanabang ed "lagay" ya iiter daray illegal logging companies + iray makapal so lupa tan ganid ya operator na illegal logging activities ed Lanao x inkamureng tan inkabenger daray totoo diman = trahidya nen Sendong.

PDEA Region 1, angkekelag so eerelen da

2011-12-15T20:23:00.002+08:00

No gabay na PDEA Region 1 ya patondaen so lakoan na droga, say erelen da komon iray bigtime ya pusher, iray drug lord ya kuan.

Natan no labay dan ondakel ni so drug addict, erel day smalltime ya pusher. Itilak da iray managgaway droga, iray drug lord.

Ag onaligwas so drug trade no iray manooley ed barangay, baley tan probinsia et ag da aboloyan iraya, no aga ira nasasaliw na kuarta tan no say nononoten da say tugtuwan iyaligwas na baley.

Aliwan "safe place to live in" so Pangasinan lapud saray pateyan

2011-12-15T20:08:00.000+08:00

Aga napatonda na PNP Pangasinan so pateyan ed luyag. Sikaton aliwan tugtuwa ya "safe place to live in" so Pangasinan.

Inutil so PNP ya anggapo so naeerel dan totoo ed likod darayan pateyan. Akin kasi?

1. Makapoy iray omiimbestiga.

2. Onoogip ira ed trabaho da.

3. Kulang so totoo da ya itatayak ed binaleybaley ta pian nasebel iray totoon walay getma dan aliwa. Saya so police visibility.

4. Iray riding-in-tandem et miembro lamlamang na polisya.

Say padisir ko, saksakey so ababangan dan riding-in-tandem ya amatey ed saray pinatey da. No onia kaokolan ya aralen ya maung so kada kaso pian naerel sayan riding-in-tandem ya kriminal.

No akin useless iramay lugan ya inter na gobierno na Pangasinan ed saray bokal

2011-12-15T19:56:00.000+08:00

Unaan dia et dakel ni sansia so aga makakaatindi ed session da ed kapitolio ya maminsan labat ed sakey simba.

Initdan iray luganan pian ag lamlamang ira onloob ed session hall.

Asayang so kuartay baley.

Kaokolan ya ipawil daray bokal irayan luganan.

Talagan ag kaokolan ya itdan iray luganan lapud ipapanengneng to ya say panagbenben ed pwisto et walaay katupag to ran pribilihiyo.

Si GMA, inlugan da komon ed chopper ya inlako da ed PNP

2011-12-11T22:34:00.001+08:00

Makapalek si Gloria Macapagal Arroyo tan say administrasion nen PNoy. Ikolong da la et makapandemand ni ya ambabangil. Si PNoy met iter lan iter.

No labay dan ilugan ed helicopter, akin kaokolan sikaton onabuloy? No walay biskeg nen PNoy, akin onsabi nid dakel ya tongtongan tan oras ya naabak?

She could have been forced to ride that chopper. Mas masanting komon no say luganan ton chopper amay inlako nen Mike Arroyo ed PNP. Then, that could be a beautiful twist of fate. Inlako day chopper pian luganan dan sanasawa lamlamang ed pangikulong dad si GMA ed Veterans.

National Library of the Philippines vs. National Library Singapore

2011-12-11T22:08:00.001+08:00

Ipara tayoy National Libraries na Pilipinas tan Singapore [Let us compare the National Libraries of the Philippines and Singapore]:

NLP

Akalukas so reading room da 8 na kabuasan anggad 8 na labi no Lunis anggad Biernis labat ta no Sabado akalukas na 8 na kabuasan anggad 5 na ngarem [Their reading room is open at 8 am to 8 pm from Monday to Friday only because on Saturday they are open at 8 am to 5 pm].

NLS

Akalukas na 10 na kabuasan anggad 9 na labi no Lunis anggad Simba [They are open at 10 am until 9 pm, Monday to Sunday].

Diad sayan Christmas vacation [During the Christmas vacation]:

NLP akakapot na Disiembri 16, 17, 21 (mankapot na 12 na ngarem), 24, 26, 27, 28, 29, 30 tan 31 [NLP is closed on December 16, 17, 21 (will close at 12 pm), 24, 26, 27, 28, 29, 30 and 31].

NLS akakapot labat na Disiembri 24 (mankapot na 5 na ngarem), 25, 31 (mankapot na 5 na ngarem) tan Iniro 1 [NLS is closed on December 24 (will close at 5 pm), 25, 31 (will close at 5 pm) and January 1].

Antoy nibaga ed sayan inpaduma da [What can one say with their difference]?

Nayarin dakel so nibaga to ed kultura na panagbasa tan panagsukay ed duaran bansa. [It might say many things about culture of reading and research in both countries.]

No akin inyagel nen Miriam si Corona

2011-12-02T19:24:00.001+08:00

Diad tongtongan dad tilipono:

Renato Corona: Kumusta lay kampanyam parad International Criminal Court (ICC) ditad Nueba York, Miriam?

Miriam: Maung met, Chief Justice.

Renato Corona: Manaya, wala iray totoon mangibabaga ya man-inhibitak kono. Amtam ya inkampanyaan ta ka nen Oktubri nen inmatindiak ed mika-24 ya tulagan daray okom ed Prague, Czech Republic.

Miriam: On, amtak itan. Baleg ya salamat ed sayay ginawam Chief Justice. Ag ka mapaga ta diad ontombok ya agew mangiterak na press statement.

Binay ya agustoan to lay manpasiar ed Tsina

2011-12-01T19:51:00.001+08:00

Anak na lasin Binay ya gabay to lamet ya onla ed Tsina.

Is it our national interest to stop the execution of a Filipino drug trafficker?

Anggapo la so agawaan mo, Binay, nen linma kad man nen bitayen da lamet so Pilipino. Tan kuan mo ya inopot lan amin so polaing ta piano natolongan yan Pilipino, akin ta labay mo ni so onla la lamet ed Tsina?

Naabak so pondo na gobyerno ed sayan anggapoy kakanaan ton ipikal nen Binay ya ag komon natoloy.

No aboloyan nen PNoy ya, pariho iran ag abangatan.

De Lima, do your job first sakbay so Sinado

2011-11-30T15:17:00.001+08:00

Anggano onabuloyak ed ginawgawa nen Leila de Lima bilang manooley na dipartaminto na katunongan, mankimey ni sikato sakbay ya mannonot ya onbatik ed Sinado.

Sakbay ya manparaan ya onbatik ed Sinado, resolve first the Maguindanao massacre, the Vizconde case, the plunder case and electoral sabotage case against Arroyo. No ag mo nasumpal yan risolbaen ed loob na betang mo ed dipartaminto, ag ka nayarin onbatik ed Sinado.

No gagaween mo iraya ta pian onbalingit so ngaran mod onsabin iliksion, maung nin manresign ka la natan!

Say kaokolan na baley natan iray totoon ag manpipilalek ed isabiy grasya no ag say tugtuwan iyaliguas na baley!

Nakaokolan ya ikalen si Renato Corona!

2011-11-30T14:49:00.001+08:00

Anggapoy katunongan no walad betang na Korti Suprima si Renato Corona.

Diniral toy galang na Korti Suprima ya miparis odino ag miampar ed inkalabes ed agawa nen panaoy Martial Law.

Ya say lupa, walna, tan ngaran to et mangiimbitan ayewen so Korti Suprima lapud kagagawa to.

Anggad wadtan sikato tan iray pitoran okom ya benben ed beklew nen Arroyo, ag nailaloan ya onkurang so hustisya.

Lapud saraya sirin, say baley ya Pilipino kaokolan ya mankakasakey ed kanonotan ta pian naikal si Corona.

Ikalen si Corona!

Balet sayan nagagawa ed Korti Suprima et walay sengeg to ed si Hilario Davide tan si Artemio Panganiban. Si Davide so nanpasamba ed si Arroyo ya nen nanritiro et ginawa dan ambassador ed UN. Si Panganiban so angibagan "bakanti" so posision ya intilak nen Estrada ta piano manmaliw sikaton chief justice. Irayan okom so angiter na padir na ley ed piki, aliwan tugtuwan inkapangolo nen Arroyo.

Arroyo mankuakuanan ya mansasakit; labay toy ontaynan ta pian ag la onpawil

2011-11-30T14:08:00.001+08:00

No sakey ya too labay toy mansakit, say laman to onabuloy. Sakey si Arroyo ed sarayan totoo lapud natatakot ed isabi na agew ya pamadusad sikato.

Nen asingger da lan ipokok ed pangawan si Arroyo aliston inmabig. Say kuanday abogago ton Lambino ya sarag to lay onsempet ta diman lad abung da manpakasil. Sakbay to ya labay to ya onlad abroad ya manpatambal kono.

Imbis ya hospital arrest, house arrest lay gabay da.

Kabebegta nitan la lamet so balita ya kaokolay iyakar ed ospital ta sinmigi lamet so sakit nen Arroyo.

Natan ta onpawil ed ospital, say labay da langula anganko et hospital arrest?

Irayan doktor na St. Lukes paelek-elekan ira.

Unaan lapud ag da sarag ya polaingan so sakit nen Arroyo, kaokolan sikato ya onlad biektaew ya mangipapatnag na inkakapoy daray doktor na St. Lukes.

Mikadua, onaabuloy ira ed katilaan nen Arroyo ya kaokolan toy manpanengneng ed abroad anggano andi ya sebel ed itika na inkadoktor.

Nitan met si Miriam Santiago tan Gregorio Honasan ya angibitla iray sangkamurengan ya balikas ya kaokolan konon itday galang si GMA sikaton nepeg labat so house arrest aliwan diad kolongan.

Anggapoy nailaloan ya onpaway ya maong ed sangi nen Honasan lapud sakey sikato so walaan ya baleg a kasalanan ed baley. Makapakelaw no akin ta analon sinador nen saman tan natan. Lapud inkamureng daray bomobotos.

Nipaakar ed si Santiago, diad padisir ko, gagawen ton mureng iray Pilipino. Sakey ya maronong ed ley ya uusaren to ta say nonot to mureng iray Pilipinod ley. Bantiwel!

Department of Sports tan Philippine Sports University

2011-11-28T20:04:00.000+08:00

Diad kasumsumpal ya SEA Games, ipapatnag ton kaokolan lan ikalen so Philippine Sports Commission san iletneg so Department of Sports, odino Dipartaminto na Pakasilan.

Mibiang so sayan dipartaminto ed saray pamaakaran ed pakasilan na DepEd.

Diad dalem na sayan dipartaminto iletneg so Philippine Sports University (PhilSU) ya mangiter na scholarships ed saray istudyanti ya so kanonotan da walad pakasilan. Igapo so training da irayan akaloob ed iksamin diad kinder. Mangiletneg na Philippine Sports Village ya pangipalageyan na PhilSU ed paway na Metro Manila.

Wala iray mini-Philippine Sports Village ed kada rehiun. Singa diad region 1, ngaranan ya Pangasinan-Ilocos Sports Village ya nayarin iletneg ed Urdaneta.

No naigapo la irayan kanonotan diad sampluran taon, itarya la so pangi-bid na Olympics no 2024.

Lawas kan pinabli

2011-11-18T14:48:00.001+08:00

Pinmaway ed Cinemanila 2011 nen Nobiembri 16. Onsabid Dagupan no Pibriro 2012.

On analoy Pacquiao!

2011-11-15T20:10:00.001+08:00

Bawien koy inbagak. Analon tua si Pacquiao.

Sikatoy tugtuwan kampion!

Unong ed arum, sikato so naynay ya onaarap ed si Marquez imbis ya si Marquez ta sikatoy challenger.

Tan ag to gagatinan so sali na kalaban, aliwan singad si Marquez.

Manasinggeran irad puntos balet unong ed saray okom si Pacquiao so analo.

Parad saray Mexikano tan iray fans nen Marquez ya aliwan Mexikano, kaokolan dan awaten ya.

Iray kasalanan daray Cojuangco-Aquino

2011-11-13T20:30:00.001+08:00

Iray kasalanan na pamilya Cojuangco tan Aquino et ginmapo nen tinakew da so pondo na gobierno nen Aguinaldo - say kuartay baley sirin - ya inpansaliw day dakel ya dalin, say azucarera, tan say Hacienda Luisita ed Tarlac.

Dakel so pinapatey daran totoo ed pyudal ya binaleybaley na Tarlac ya say katawan da et iray pamilya Cojuangco tan Aquino.

Nen agawa tay Hacienda Luisita massacre, inolit day agawgawa nen 1960s nen pinapatey daray akandalin na dalin ya ginamgam daray Cojuangco.

Satan ya dalin ed Hacienda Luisita ya inames ed dala daray dumaralos et tanda na inkaganid ed kuarta tan oley daray Cojuangco tan Aquino.

Sakey ed saray amaltog ed saray totoon onlalaban ed dili dan kanepegan et bodyguard nen dati nen Kongrisista ya si Noynoy Aquino. Sikato ni angan ko so bodyguard to anggad natan.

Natan irayan katuaan ag ira pinmaway nen iliksion. Lapud kasi ed kasil daray Cojuangco-Aquino ya pepetan iray midia na kuarta?

Sikaton atay CARP odino Comprehensive Agrarian Reform Program et sakey ya kabalgan ya lurey ed administrasion nen Cory Aquino ta say Hacienda Luisita et ag inpila ed programa.

Baleg so panduaruwak ed administrasion nen Pnoy aga labat lapud sayan kasalanan da ed totoo na Tarlac ya kabaleyan da ni met. Balet lautla ed saray angkabaleg ya lingo ya nagagawa ed inagew-agew ya batik na oley to.

Natan ag popolianan komon daray anacbanua na Pangasinan ya manari iray Cojuangco diad luyag lautla ta wala lay akaloob ed politika na Pangasinan.

Igagapo da la langula so panaggamgam na dalin ed Bayambang tan arum ni ran baley ed ketegan na Tarlac tan Pangasinan. Ag komon ya paolian na totoon walad oley ed Pangasinan ya mangiyagel ed saray kanepegan daray kabaleyan tin Pangasinan.

Analoy Pacquiao?

2011-11-13T20:23:00.001+08:00

Andi ed pananisiak. Balet nayarin nalilingo ak ta agak met okom na boxing. Saya balet so insulat kod sakey ya artikulo na yahoo.

Kuanko:

Statistics has been doctored. I cannot believe it. Agak manisia. There are more rounds that indicate Marquez got the upperhand. Perhaps my four eyes had me deceived but Marquez won the fight by a very slight margin. Anyway, Pacquiao should better retire or seek another rematch to prove his mettle and stop the speculation that the fight is lutong macao. But with this showing, I doubt if he can really battle it out with gayweather.

How to solve our garbage problem?

2011-11-13T20:03:00.001+08:00

Maganon naanapan ya polaing so problima ed basura.

Say ebat ed Solid Waste Management et iter ed saray kompanya so betang ed panagrecycle na antokaman ya basura ya manlapud produkto da.

Alimbawa, iray plastic na shampoo, bareta, sabon tan polbos ya sabon ya panpesak etc. et iter so risponsibilidad na panagrecycle ed kompanya na UNILEVER etc.

Ontan met ed saray arum ni ran basura ya singa karton, lata, plastic ya uusaren ed panagkarga, boti, etc.

Say trabaho na gobierno et ibiig irayan basura ed sakey ya segregation center ed kada barangay ya nigapo lay panagbiig ed saray kaabungan. Koliktaen ya na kada kompanya at makaoley la ran manrecycle ed saray basuran nanlapud produkto da.

Natan iray plastic ya uusaren daray angkelag ya kompanya et onpawil ed samay nanggawa na plastic ta pian sikara so manrecycle.

Ag la kaokolan so sanitary landfill odino incinerator.

Natan iray basuran biodegradable, ukis na antokaman ya bunga, etc., et iray akanbasura so kaokolan ya manasikaso ed mismon kaabungan da.

Ed arum ya salita, say basuran nanlapud produktom, sikay manrecycle. Waste coming from your products should be your own responsibility.

Say Rizal prize

2011-10-02T00:25:00.002+08:00

Pian lalon ontagey so pamadayew ed si Rizal diad mika-150 ton taon ya inkianak tan ta pian milaban ed primyon Nobel ya anggad natan anggapo ni so Pilipinon apagalangan na sayan galang, kaokolan ya niletneg saray primyon Rizal ed siensia, midisina, litiratura, tan kareenan.

Sarayan galang odino primyo et itday pondo na gobierno tan iray kabalgan ya kompanya ed Pilipinas (iray pamilya Sy, Tan, Ayala, etc.).

Anggapoy duaruwa ya say ngaran nen Rizal et mas kaokolan ya pidayawen nen say sakey ya akaimbento ed dinamitan baleg so papil to ed saray kolkolan, giyera ya amatey ed dakel iran totoo ta pian say primyo ed kareenan ya ingngaran ed sikato et anggapoy kakanaan to.

Si Rizal et sakey ya sientista, sakey ya optalmologo, nobelista tan sakey ya manangarod kareenan.

Itandoro si Rizal ed sangkatageyan ya galang ed intiron mundo, atagey ni nen say primyon Nobel, say Rizal prize in science, medicine, literature tan say Rizal peace prize ya lukas ed amin ya poli na talba.

Akin delap? Iray dam operators tan PAGASA et tanga

2011-10-01T20:23:00.001+08:00

Delap lamet ed Bulacan, Pampanga tan Pangasinan. Akin?

Diad inkamureng daray dam operators tan PAGASA.

Ag da akoen ya baleg so ginawa ra ed inpantagey na delap. Inbolos day danum ed saray kalayan nen atipon lay danum ya insalog nen Pidring.

No onsabi so bagyo ag met tampol. Wala ni sakey odino duaran agew ya onloob ed Philippine area of responsibility. Akin ag da ibolos so danum sakey odino duaran agew sakbay ya onsabiy bagyo?

No ontan walay panaun ya onsoner so danum ed dalin. Natan, no onuran ya dakel no bagyo la, abawasan lay danum ed dam ta pian ag la mangibolos diad mismon agew na bagyo.

Mairap kasi yan nonoten?

No panon ton patondaey korapsion

2011-09-27T19:44:00.000+08:00

No labay nen Pnoy ya ontonday panagbolsay pondo na gobierno, so pamadusa ed saya aliwan anggad bilay ya kolong no ag ingen patey ed bitayan.

Natan so pamadusa gaween ya tampol ya walaan balet na due process.

Igapon tampol ya ed saray pamilya Marcos (sangkabalgan ya takew ed awaran na panagtakew ed gobierno), si Ramos (PEA-Amari, Centennial Expo), Gloria Macapagal-Arroyo tan Mike Arroyo (Fertilizer scam, electoral fraud, bribery ya gagamiten day presidential discretionary funds etc.).

Ed arum ya salita, say "plunder" odino say panagsamsam ed kuartay baley et dusaen na patey.

Ipila ed pamadusa so pamawil daray tinakew ya yaman da tan say pangiseblet ed boleg da ed panagbatik ed saray iliksion odino posision ed gobierno.

Iray kangaranan da et ipila met ed sakey ya libro ya mangidalatdat na ginawan panagtakew da ed gobierno ya nayarin pauloan na "Iray makapabaing ya totoon nantakew ed kuartay baley."

Smart-Gilas, inpatalo na kompiansa

2011-09-25T19:22:00.001+08:00

Maminsanak labat ya manbantay na basketball lapud laban na Pilipinas ed South Korea ed FIBA-Asia. Walay 11 puntos ya panaegan na Pilipinas ed South Korea no agak nalilingo ed pigaran minuton laban ya asingger lan nasumpal. Sinayang na Smart Gilas lapud kompiansa. Tan dakel ni ran lingo ed free throw ya nayarin makaiter na limaran puntos.

Agi, masamit ya buntalan so lupa da irayan Pilipinon bumabaskitbol.

Suportaan so Palistina!

2011-09-23T21:26:00.001+08:00

Saya so insulat kod sakey ya website:

The Palestinian people had long suffered and still suffering from the abominable conduct of the big powers, the US and the UK, since 1947. The basis for establishing their state should be UN Resolution 242, which means all of Gaza and the West Bank. The Palestinians deserve peace and prosperity but do they deserve Abbas? The Palestinian people must castigate their own leaders and show to the world that they really want a state of their own regardless of what Obama, Israel and Abbas are doing!

Anto kasi so aalageyan na DFA?

Bicycle lanes

2011-09-23T21:22:00.000+08:00

Diad Tokyo, nayari mon liberen so Asakusa ya akalugan ed bisiklita ya anggapoy pagam ya ondalan ed kalsara tan mibansag ed saray totoon onaakar. Iray bumibisiklita, akulaw odino masiken, bii o lakin kaolop toy anak tod beneg, amin ira ondadalan a mainawan makasabid laen da.

Say tanda na sakey ya bansan mainawa so panagbilay et iray dalanan daray totoo ya maawang tan malinis ya atanemay kikiew ya mangiter na sirom.

Satan so Tokyo. Balet diad Manila, arawi ni laen to. No labay tayon miparis ed Tokyo, ed Penang, magano labat.

Irayay lideres tayo, akakar la ra ed arum iran bansa balet singa anggapoy naaaralan dan nipaalagey ed saray baley-baley tayo.

Singa irayay bicycle lanes.

CCP: Panaltalo na konsirbatismo

2011-08-16T21:50:00.000+08:00

Say agawan kontrobersiya ed CCP et ipanengneng to so inkamureng daray manpoprotista ed saman ya iksibit.

Saya et panaltalo na konsirbatismo ed tatawagen ya arti.

Iray paparin mimitirol ed saya mamaung nin pibabalian da ni so pikewet ya nagagawa ed loob na simbaan da.

Iyan ed mapa so Pilipinas!

2011-08-06T15:42:00.001+08:00

Panon to?

1. Mangiletneg na sangkaatageyan ya paalagey (building ya earthquake-proof) ed intiron mundo.
2. Mangipalagey na sangkarakepan tan sangkadukeyan ya taytay.
3. Manggaway sangkabalegan ya stadium ed intiron mundo.
4. Mangipalagey na sangkabalegan ya publikon ospital ed intiron mundo.
5. Mangipalagey na sangkarakepan, sangkamodirnoan ya airport ed intiron mundo.
6. Mangipalagey iray paalagey ya nabirbir daray totoo ed intiron mundo.
7. Manggaway sakey ya siudad ya balon kapital na Pilipinas ed paway na Manila ya pakanengnengay inkamaong na Pilipino.
8. Mangipalagey na sangkamodirnoan ya doongan.
9. Mangipalagey na sangkamodirnoan ya sistima daray tren ya mankonikta ed Luzon, Visayas tan Mindanao.
10. Mangipalagey na abung daray libro ya sangkarakepan ed disinyo, sangkabalegan ed intiron mundo.
tan arum ni ra.

Ag nayarin nakontento ed wala la. Kaokolan ya mankogkogip ya baleg iran kanonotan ya sarasarag ya gaween.

Asewek ed kalsara

2011-07-24T21:12:00.000+08:00

Anggapo komoy asewek ya naangob ed kalsara. Say numiro unon mangiiter na asewek iray jeep, bus tan tricycle.

No labay na gobierno na nabawasay sakit ed bala daray totoo, pabonaen so turismo tan naipasal so panakar, maseseg komon ya ikalen ed kalsara iray luluganan ya smokebelchers.

Marakep ingen no ikalen irayan luganan ya di-diesel.

Manakar no asingger so laen!

2011-07-24T20:39:00.000+08:00

Marakep so manakar ed gilig na kalsara no dakel so kiew ed dadalanan tan iray luluganan ag mangipapaway na asewek.

Diad Penang no inerak nansalita ed Decolonising our Universities, anggapoy naangob ya asewek tan dakel so tanaman ed gilig na kalsara.

Marakep so manpasiar aliwan singa dia ya so labay da et simintoan so amin ya dalin ta pian no onuran delap so onsabi.

Kaokolan ya ibangat iray totoo dia ya manakar ta anggano asingsingger so akaran da onlugan ni ra.

Akatipid kad pasahi no manakar ka. Niusar mo ni salim ed panakar.

No marakep so panakaran, mainaway manakar.

Aliwan Phl balet RP

2011-07-04T20:45:00.000+08:00

Mankelawak no akin inbelyaw nen Prisidinti Noynoy ya kaokolan ya usaren lay "Phl" imbis ya "RP" ya abayag lan uusaren.

Akin tumbo-tumbok tayo ed ibaga daray arum odino diad pamadmaran ya insaklang daray arum ya singa ISO?

Say "RP" alenleneg ya pinatekey a ngaran na ripublika na Pilipinas.

Maliket ya inkianak ed sika, Palbayani Jose Rizal (1861-2011)

2011-06-19T23:43:00.001+08:00

Maliket ya 150 taon ya inkianak nen Rizal, say ama na bansan tatawagey Pilipinas.

Maliket met ya agew daray ama!

Gaway Pilipinas so Spratly Islands!

2011-06-10T22:42:00.001+08:00

Oras la ya so Pilipinas ontalindeg ed panaariarian na China ed dalin ya gawa tayo.

Atapis so headline na Philippine Star ta nen karuman so headline to "China scolds Phl over sea dispute."

Akin popolyanan tayo ya sikatayo ran Pilipino dia so nengneng tayo ed China et sakey ya toon maton ya sarag ton aldabisen iray Pilipino?

Akin aga "Phl defies China, asserts claims at UN"?

No onia sananey so pakatalos to ta sikatayo so maneegna no antoy gabay tayon nagawa, aliwan iray Intsik.

Makapoy so ipapanengneng na saray palapagan dia. Kaokolan ya sikatayo so manbenben ed antokaman ya gabay tan panmaongan tayo, aliwan akadepende ed arum ya totoo tan bansa.

Marcos ed Libingan ng mga Bayani

2011-06-04T12:51:00.000+08:00

Iponpon lay Ferdinand Marcos ed Kamposanto daray Palbayani.

Antoy inpanduma nen Marcos ed arum ya naiponpon diman? Iray arum ya naiponpon diman et kapara to lamlamang ya korap.

Akin pababalegen ti ni ya ya singa si Loida Nicolas Lewis?

Iponpon lad man si Marcos kaibay arum ya pikewet ya nanoley ed bansa.

No akin ag labay na simbaan ya ipasa so Divorce Bill?

2011-06-04T12:40:00.000+08:00

Ag labat lapud doktrina na simbaan.

No naipasa so ley, onkapoy so pakapanyari na simbaan diad bilabilay na totoo.

Onlad amin lay pibibiang ed istado.

Itandoro so ley

2011-04-23T13:39:00.000+08:00

Say sengeg na kolkolan, siblangan, sangsangan et no ag natotombok so ley.

No wala kad katunongan, tomboken ya kaokolan so ley.

Balet wala iray matatakken ya ag da amta so ley. Pilalek da nin pekeweten so ley.

Diad kasampotan, say ley so mangipetek ed sarayan kaugsan.

Iray matakken ya kaokolan ya leweten

2011-04-23T13:22:00.000+08:00

Say inkamatakken aliwan naynay a pakanengnengan na inkasilib.

Wala iray matakken ya mangipapatnag na kaugsan ya aliwan maung a panmadmaran. Balet naynay iran ondadago ed simbaan a manpipikasi odino mangiyoolo na muyongan daray managpikasi.

Antoy tawag ed sikara?

Katuaan vs. Katilaan

2011-04-23T13:12:00.002+08:00

Say katuaan so manaltalod katilaan.

Saray Ford ya luganan tan say abalang ya dayew na Espino administration

2011-03-17T11:05:00.000+08:00

Ag kaokolan daray bokal saray kotsi lapud wala ray luganan da. No kaokolan daray luganan akin so pilien da ni et say mabmabli a singa Ford.

Ag da kaokolan so Ford a luganan lapud saray totoo so onpapasyar ed kapitolio ya onkekerew ya tolong. Say kaokolan da labat et ondago ed saray panlilimogan daray bokal ed kapitolio ya mangipasa, mandibati nipaakar ed saray risolusion na probinsia.

Akin ag nayari iran itday gasoline ration no so rason da et manggagastos ira ed iyakar dad kapitolio odino diad baley da? Balet satan so bili na panaglingkor ed baley.

Sakey yan mantsa ed administrasion nen Gob. Espino no akin ta inmaboloy ed saya.

Say ipanengneng to ya say panegnay betang ed gobierno walay katupag to ran pribilihio ya no murekdeken talagan wala balet aliwa met laya ya malinlinew ed petek na agew sayan pekewet ya kagagawa.

Ag nayarin ikompara so probinsia ed arum ya melag ya probinsia. Sikaton ag ira onaasenso iratan ya probinsian angiter na kotsi ed bokal da lapud uunaen da ni so panggonggonaan da nen say panaglingkor ed saray kabaleyan da.

Sayang so P20 milion. Sayang so dayew na sayan administrasion. Ninonot da ni komon ya maong (Litrato: Love Krittaya).

Say sangkamurengan ya Pangasinense

2011-02-28T15:57:00.000+08:00

Saray Pangasinense ya itandoro da ni so salitan Tagalog, Iloco tan Inglis nen say salitan Pangasinan.

Marcos Jr. ya matila

2011-02-28T15:50:00.000+08:00

Ag ko inbotos si Bong Bong Marcos. Saramay Ilocano - aliwaak ya Ilocano anggano amtak so mansalitay Iloco - ya ag abangatan so nanbotos. Inap kon pati iray Pangasinensen say nonot da et Ilocano ra anggano wadia la ran abayag ed Pangasinan nanbotos met ed anak na diktador.

Salamat ta ag ko inbotos yay Jr.

Agay lay anggapoy baing ton ibaga ya no ag apaalis si Marcos nanmaliw komon kunoy Pilipinas ya Singapore! Ngalngalin tinmagey so presion na dalak ed sayan katilaan.

Agak manisian si Bong Bong asumpal ed ikonomiks ed Oxford. Anton lohika so walad nonot to ya nayarin manmaliw ya Singapore so Pilipinas no ag pinaikal na Pilipino say ama ton korakot?

Anggapoy kalakal ton kapara toy ina ton si Imelda ya no mansalita nipaakar ed ginawa ra anggapoy ginawa dan mauges ed oley dan duamplon taon.

Irayan Marcos maung iran manpikewet na antokaman ya bengatla. Ta no antokaman so ibagara kaokolan ya tampol ya ikorihi lapud saray Pilipinon maganon manisia.

Siopa ni ray "Marcos ni" ta tuktokan ko pa?

Pateyen so kanonotan ya so Pangasinan et parti na Ilocandia

2011-02-26T12:22:00.000+08:00

Pian nabirbir so Pangasinan, kaokolan ya pateyen, paeren so kanonotan ya so Pangasinan et parti na Ilocandia.

Say region 1 ngaranan na Pangasinan-Ilocos. Lapud sayan ngaran ya Ilocos, nipalapag ya saray totoo dia ed Pangasinan et Ilocano. Tan lalo ton iitday sibeg so Ilokanisasion na luyag.

Ontan met ed saray taga-Cagayan tan Isabela pati saray kaagian ya walad palandey na Cordillera. Onbangon lay Ibanag, Itawes, Ibaloi, Kankanaey, Ifugao tan arum nira, italindeg day salita da, aliwan Iloko.

Say sangkamurengan ya Pangasinense

2011-02-25T22:17:00.000+08:00

Duaran makatalos ya Pangasinan ta inyanak ira ed Pangasinan tan say atateng da et Pangasinan balet no mantotongtong ira diad Tagalog.

Say sangkamurengan ya Pangasinense

2011-02-22T20:59:00.000+08:00

Say sangkamurengan ya Pangasinense et say Pangasinense ya katotongtongen ed Pangasinan et oneebat ed Tagalog.

Kasumpal nen Reyes, siopay ontombok?

2011-02-22T20:57:00.000+08:00

Anggano corrupt, si Hin. Angelo Reyes et walay galang to.

Say arum ey ya singa si Hin. Carlos Garcia tan si Hin. Jacinto Ligot, wala kari galang da?

Iray arum ya opisial kasi ya akipinabang ed oley ya corrupt nen Gloria Macapagal Arroyo, ontombok met la kasi ed si Angie?

No diad pananisia nen Reyes et say ipatey to ontonda la so panrikisa ed pamilia to, saya et gapo labat.

Balet si GMA ya nanlapuan na sangkamaugesan ya pamaakaran ed awaran na panaglingkor ed gobierno, ontombok kari ed si Reyes?

Inbangat kari sikato na maistra to nen grade 1 no antoy kabaliksan na galang?

Sakey linya na tren ya ondalan ed saray baley tan siudad na Pangasinan

2011-02-02T23:45:00.003+08:00

Maples ya tren ed Taiwan (Graham2000)

No pirawat na gobierno na Pangasinan so tugtuwan iyaliguas na probinsia, nakaokolan so marakep ya pamaakaran ed luluganan. Et sakey ya makaiter na mainawan transportasion so tren. Nen mabilay ni so Manila-Dagupan ya linya na PNR, ondadalan so tren ed Bayambang anggad Dagupan.

Sayan linya na tren no pinognonoten ya maung na gobierno et marakep ya idalan ed siudad na Urdaneta, Dagupan, San Carlos, Binmaley, Lingayen, Sual, siudad na Alaminos anggad Bolinao. Sayan linya et ondalan ed ipaparaan ya Sual International Seaport tan ed ipapalagey ya Alaminos international airport.

Say mikaduan linya et ondalan ed saray baley ed abalaten na probinsia.

Akin sakey ya linya na tren? Maples so tren ya luluganan na totoo tan produkto. Diad mainawan luganan, marakep so manpasiar. Sikaton pabunaen to so turismo. Pakasilen toy salatan na produkto. Selselan to so ikurang na industrialisasyon na probinsia. Pabulaslasen to so ikonomiya na luyag.

Say ombudsman ya bantiwel

2011-02-02T21:58:00.001+08:00

Ag nailaloan so katunongan no walad betang na Ombudsman si Merceditas Gutierrez.

Sikato so mangiyayagel ni ed mauges ya hiniral ya si Carlos Garcia. Ya minosen to so agawa daray omiimbestiga ed sayan pikewet ya Garcia et makapakelaw. Akin onia so inaambagel ton kagagawa?

Akin kuanyo? Sayan plea bargain ya inkana daray rumirikisa et sakey ya kompromiso ta pian ag naibelyaw so arum ni ran pikewet ya kagagawa daray arum. Alimbawa dia si Angelo Reyes. Tan amay datin commander-in-chief to ya si Gloria Arroyo.

Sayan inakto nen Gutierrez et ag la sirin pankelawan ta malinew no siopa so aalageyan to.

No ag ikalen si Gutierrez ed panamegley na impeachment, saray totoo nen Arroyo ya nankuarta ed gobierno et elek elek labat.

Somlangen so simbaan, sansangen so CBCP

2011-02-02T21:23:00.005+08:00

Say simbaan ya Katoliko so baleg ya samben ed panagkontrol na bilang na totoo ed Pilipinas tan ed mawayang ya kanonotan daray manpamilya. Say lupa na simbaan et wala ed grupo daray obispo ya tatawagen ya Tulagan daray Obispon Katoliko ed Pilipinas odino say Catholic Bishops Conference of the Philippines (CBCP).

Abayag la ran mibabali ed pamaakaran na istado ya kaokolan ya ag da pibabalian.

Kaokolan la ran ontonda ed sayan pimimitit da ed betang na istado.

Ag nira onaarawi ed kipapasen nen panaon daray Kastila ya sikara so numiro unon mangitatandoro na pamaepel na mawayang ya kanonotan daray indio.

Manbibilay irayan papari ed aboloy daray totoo; saray panaayaman da lautlad saray obispo et baleg iran singa mansion ya di-kotsi ni ra. Aliwan sakey labat no ag ingen duaran luganan so nanengneng ed garahi da. Ag ira manbabayar na buis ed gobierno kaibad dia saray iskwilaan ya atayak ed kapoloay Pilipinas. Manbibilay ira ed yaman balet saray maiirap manbibilay ed linget, lua, tan kesaw.

Abayag lan nakaokolan ya ipasa so ley nipaakar ed panagkontrol na ikarakel na totoo diad Pilipinas.

Ag natalosan na simbaan saray maiirap; sikaton sasansangen da sayan iley.

No ag onabuloy so CBCP ed sayan iley, kaokolan iran somlangen!

Ipawil so death penalty anggano anto itay ibaga nen Arsobispo Cruz!

2011-01-26T23:06:00.001+08:00

Lapud anggapoy takot da ed ley ta makapoy so pamakaaran na katunongan ed bansa ya nanengneng ed inkakapoy na Korti Suprima, kaokolan ya ipawil so pamadusa ed panamegley na patey.

Anggano inikal da la yan pamadusa ed arum ya bansa, akin kaokolan tayon ontombok?

Ag tayo kaokolan ya ondengel ed si Arsobispo Oscar V. Cruz!

Korti Suprima baleg so betang to ed impandakel na kriminalidad ed bansa

2011-01-26T21:07:00.001+08:00

Antoy koneksion na Korti Suprima ed kason carnapping-murder daray lumalako ya second-hand ya kotsi, ed saray pulis ya anggapoy kalakal da, ed saray pamapatey ed saray anggapoy kasalanan dan totoo?

Nen sinunggay na Korti Suprima so pasia na abeban korti ed kaso nen Hubert Webb tan arum ni ran akusado nen Disiembri 2010, abantayan ti la ed tv, adengel tayod radio, abasad talagew saray makapataktakot iran krimin ya singa ray akanggawa anggapo lay takot da ed ley.

Nakal so kompiansa na totoo ed Korti Suprima. Natan nakal so takot daray kriminal ed ley.

2nd UPSP Creative Writing and Seminar Workshop

2010-12-29T00:48:00.000+08:00

World-class stadium ed Pangasinan, natan la!

2010-12-19T21:35:00.004+08:00

Babantayan ko natan so mikaduan laban na Pilipinas tan Indonesia ed football. Akasakey lay Indonesia. Say epekto na totoon manbabantay et baleg ya tua. Hometown crowd kuanda.

Panon makapanpalagey na marakep ya stadium so Indonesia balet so Pilipinas ag to sarag?

Dapot saray politiko dia say amta da labat manpalagey na waiting shed. Anggano si Raul Roco ya linmaban ya pangolo et saya so dakerakel ya inpalagey tod Bikol ya ataratar konoy ngaran to. Ag ko amta no tugtuwa ya.

Natan ya walay aliwawaan ya lidirato ed Pangasinan, panaun la ya manpalagey ya world-class stadium inerman ed poso na luyag.

Unaan la na Pangasinan so arum ya probinsia ed pamabulaslas na pakasilan. Natan la!

Baleg ya tolong ya ed turismo. Iyan tod mapa na mundo na pakasilan so Pangasinan.

Obama kapara to met si Bush Jr.

2010-12-13T13:06:00.001+08:00

Siopa man so onirong ed White House, kanen sikato na pamakaaran na abayag lan manbibilay ed sakey ya bansan niyanak ed impirialismo nen taon ya sinakop toy Pilipinas.

Ontan si Bush Jr.

Ontan met si Obama.

P-Noy, makapoy

2010-12-13T12:59:00.002+08:00

Diad agawan massacre daray taga-Hong Kong ed Manila, inpanengneng nen P-Noy so inkakapoy to.

Ag mo naimanon nagawa ya ed embeneg ya administrasion.

Diad sayan ag impandago na Pilipinas ed pangiter na Galang ya Nobel (anggano sayan galang et ag ko itday kabaleg ya importansia lapud anggapo ni Pilipino so naitdan na sayan galang), inpanengneng nen P-Noy so inkakapoy to.

Say kuanen P-Noy diad saman ya agew inasikaso na Department of Foreign Affairs so intiris daray Pilipino ya nikolong diman ed Tsina lapud drug trafficking. No siak, akin tolongan mo rayan totoo, anggano Pilipino ira, no say ginawa da et katupag toy patey? Kaokolan ni ingen ya ibaing ira.

Salamat ta ag ko inbotos si P-Noy balet aliwan salamat ta kaokolan kon mananos ya limaran taon nin panimatonan na inkakapoy nen P-Noy.

Ikalen so proteksionismo?

2010-11-28T15:21:00.001+08:00

Say aso-aso na World Bank ya si Jesse Ang labay ton ikalen na gobierno so polisiya ed proteksionismo ta aya la kono so rason no akin ta ag makalaban saray industriya dia ed industriya daray arum ya bansa.

Labay nen Ang ya pateyen so industriya diad Pilipinas.

Labay nen Ang ya so minabang ed ikonomiya na Pilipinas et saray sangkaili.

No saray arum ya mayayaman ya bansa et iyagel day industriya da, say Pilipinas ya mairap ya bansa, say gusto nen Ang, ilukas to niy puerta ton maung ya maung lan binagbag yan puerta ta piano anggapo la makasbel ed panagloob da.

Natan, pigara kasi naaawat nen Ang ya suildo ed World Bank sikaton say bilay na milyon ya Pilipino no ikalen so proteksionismo et singa anggapoy pibabali to?

Pabiskegen saray industriyan Pilipino ya miampar ed kalidad na Hapon, Korea. Looban na Pilipino saray industriyan saray sangkaili labat so minanabang. Ibangat iray Pilipinon manaliw ed saray produkton Pilipino. Onia komon so nagawa aliwan satay itatandoro nen Ang ya bosis na World Bank ya abayag lan nanpairap tan manpapairap ni ed saray Pilipino.

Say Pasirayew ya Malapati

2010-11-28T14:42:00.001+08:00

Mangaliw kila ya sangkaunaan ya librod para ugugaw ed salitan Pangasinan.

Tagano ed Kelang: Tinugiop iran Koritan na Pangasinan Natan

2010-11-28T14:31:00.000+08:00

Say sangkaunaan ya antohiya na kontimporarion litiraturan Pangasinan. Mangaliw ki la!

Galikayo ed mika-10 ya anibersario na Ulupan na Pansiansiay Salitan Pangasinan (UPSP)

2010-07-21T21:57:00.000+08:00

ex-Chief Justice Davide, sakey met ya makapal so lupa

2010-07-06T20:47:00.000+08:00

Hilario Davide, pangolo na Truth Commission?

Oliten: Davide, pangolo na Truth Commission?

Anggapoy indumaan nen Davide ed si Alberto Romulo.

Inpabetang nen GMA ed si Davide so Permanent Representative ed UN. Ag la kontento ed agamor ton sangkatageyan ya betang ed Korti Suprima, sinublay to ni so betang daray career ambassadors ed UN. Anton klasin ex-chief justice ya ey? Sakey met ya buanges ed oley.

Natan si PNoy initdan to lamet ya betang ed Truth Commission. Makapalek.

Davide, Truth Commission? Agay lay kapal.

Akin anggapoy panliketan daraya ya masiken la ag la manritiro?

Panoy kapal na lupa nen Alberto Romulo?

2010-07-06T20:38:00.000+08:00

Makapal so lupa nen Alberto Romulo. Natan ibaga yo pa ed siak no anto so pidumaan na "foreign policy" nen GMA ed si PNoy natan ya pinansansia nen PNoy si Romulo?

Ed pigaran inmirong ed DFA, pigaran Romulo la so nanbenben ed inka-secretary? Akin gaway pamilya Romulo so DFA?

Say inpanbetang ed si Romulo et sangkabalgan ya lingo ed administrasion nen Aquino.

Siopay natolok, so Atsi to Ballsy ya mureng, ag to amtay nagagawa ed DFA? O saray makaamta ed "foreign policy"?

Makapal so lupa nen Alberto Romulo. Makapal ya kapara nen pangamaen ton si Carlos P. Romulo.

No antoy inkakapal na palitada na DFA building ed Roxas Boulevard, ontan so lupa darayan sanpangamaen.

Kris Aquino, First Lady?

2010-07-06T20:26:00.000+08:00

Akin inbana nen Kris Aquino so pansian dan sanasawa sakbay ed inagurasion nen agi ton pangolo? Diad agew na inagurasion, akin sikato labat so duma ed kawes daray atsi to?

Sakey labat so labay ton ibaga ya. Onpoposision lay Kris Aquino ya manmaliw ya First Lady. Andi kari?

1st UPSP Creative Writing Workshop

2010-06-04T12:16:00.000+08:00

Koala Bear, nanlapuan mo?

2010-05-22T12:24:00.000+08:00

Akin pinmaway si "Koala Bear" natan ta asingger la'y isusumpal na panagbilang ed botos daray pangolo tan kumaduan pangolo?

Ta piano diralen to so kridibilidad na iliksion?

Lagi.

Duara labat so nayari'n panlapuan mo: Malacañang odino diad sakey ya abung ed Polk St.

Kamatis ya inaplosa'y gas odino pormalin?

2010-05-22T12:03:00.000+08:00

Say tinirak ya kamatis masamit ya ipangan ed antokaman ya buagen singa prito'n sira balet no makataway ka'y singa samal, naikal so samit ed panangan.

Ta onia so kipapasen dara'y ilalako'n kamatis diad Pangasinan lautla'd Urdaneta ya manlalapud arum ya baley.

Aaplosan da'y gas odino pormalin saray kamatis.

Sikaton irayan managlako'y kamatis, imbis ya makaiter ya sustansia somlang ed cancer so kamatis, say kamatis so mangiter na sakit ya cancer.

Sikayon suitik ya managlako'y kamatis, itonda yo pa la yan sinusuitik ya kagagawa ta iyaasingger yo'd piligro so baley!

Say belas ed Pilipinas (diad Pangasinan) aliwan pang-iksport

2010-05-22T11:54:00.000+08:00

Masamisamit lay panangan mo et wala'y aketket mo'n bato. Kaokolan mo'n ipaway ed sangi ta aliwa met ya makakan ka'y bato.

Atan so sengeg no akin ag sarag na belas diad luyag ya ilako ed paway na bansa.

Ag mo naimano'n nagawa ya ed Korea, Hapon ta aliling toy ansakket so kakanen dan belas.

Say rason et ipaagew da ed kalsara saray ilik ya pamagaan.

Anggano andi lan ilako'd paway na bansa, akin ag sarag ya malinis so belas ya ilako diad tindaan bilang pamagalang met ed saray totoo'n mamanga'y niluto?

Aga manepeg ed siak so pangolo yo!

2010-05-11T15:09:00.000+08:00

Inbotos na Pilipino so sakey ya makapoy ya pangolo. No anto'y gobierno, sikatora'y totoo kua'y Rizal. Ompano sayan pangolo so onsarag ed walna daray Pilipino. Balet aga manepeg ed siak so pangolo yo!

Gilbert "Gibo" Teodoro, pangolo na Ripublika na Pilipinas

2010-05-10T13:12:00.000+08:00

Si Gibo labat odino anggapo.

Ag nayari'n ipia so Pilipinas ed makapoy (Noynoy), ed matakew (Villar), ed atagey so paltik to (Gordon), ed nakal la (Erap).

Amtak sikato labat so kwalipikado ed panagbotos na pangolo.

Tan sikato so manalo.

Sikato so analo.

Smartmatic, Comelec kasoan ya electoral sabotage!

2010-05-06T22:50:00.000+08:00

Ipila met la dia si GMA.

Paelek-elekan lamet so Pilipino ed mundo. Say mangiyoyolo na iliksion, sikato ni so mangiyolo na sabotahi.

Pano'n saray PCOS machines ag ni ra sinobok sakbay iran ipawit ed saray probinsia?

Getma na Smartmatic kasi ya nagawa ya'n lingo piano natoloy lamet so panagbotos ya di-mano so panagbilang piano makapansaol lamet? Odino nitantan lamet so panagbotos ya sikato'y labay na wala'd oley? Siopa'y angiganggan ed sikara ya onia so gaween da?

Sakey lamet ya'n parti na sakey ya baleg ya apinonong dara'y akairong ya labay da'n ag natoloy so iliksion.

No ontan, kasoan so Smartmatic. Pipawil ed gobierno so binilion ya gastos ed sarayan PCOS machines. Salatan saray totoo ed COMELEC!

Say ibotos ko ya sinador

2010-05-01T12:08:00.000+08:00

- aliwan tradisional ya politiko
- talaga'n miembro na tugtuwa'n oposision
- malinew ya inaro to so baley to

Siopa iraya?
1. Risa Hontiveros Baraquel
2. Satur Ocampo
3. Liza Maza

Iter ko met so botos ko ed duaran taga-Pangasinan

4. Raul Lambino
5. Joey de Venecia III

tan diad duaran bitirano'd politika

6. Franklin Drilon
7. Miriam Defensor-Santiago

Say duaran masilib ya ibotos ed inkapangolo:

2010-05-01T11:54:00.002+08:00

1. Gilbert Teodoro
2. Dick Gordon

COMELEC: Akankasalanan no akin marutak so kaliberliber ed sayan iliksion

2010-04-22T20:43:00.001+08:00

Diad inkakapoy na COMELEC, ag to napatonda ra'y somlang ed ley na panagbotos singa iramay angkakabaleg ya poster, nambabangil ya pasen ya panpepeketan, saray sinmobra la ed TV ads.

Akin mairap so manpaseminar ed saray mankakampania nipaakar ed saray nayari tan ag nayari ed saya'n iliksion sakbay na campaign period?

Akin ag to sarag ya mangiter ya pamadosa ed sarayan onsosomlang ed ley?

Andi. Ta irayan opisial na COMELEC tan anggano saray wala'd beba diad probinsia tan baley, mureng ira tan inutil.

Agra, say abogado'n abogago, ikal ka'd tan ed DOJ!

2010-04-22T20:29:00.000+08:00

Diad otang ed linawa nen Agra ed si GMA ya sikato'y inyaman to tan intagey to'd betang ed gobierno, nasarag to'y mantila anggano naikal sikato ed inkaabogado to, andi inkaabogago to.

Anggano ag ka manaral ya ley, nanengneng mo la ya wala'y betang daraya'n Ampatuan ed agawa'n baleg ya krimin.

Natan no sika et wala'y otang ed linawa ed saray Ampatuan, anggano imulagat mo'y mata'm et nanengneng mo la ya wala'y betang da ed saya, siansian ag mo iyaboloy ira'n ipila ed asonto. Tan no sika et aso-aso na pangolo ya antakot ed ibelyaw dara'y Ampatuan nen 2004 ya iliksion, ikalen mo ira ed listaan.

Satan so ginawa nen Agra.

Makapal so lupa to ya no ag sikato onikal ed DOJ. Kunsabagay, sikato'n inyorong sikato nen GMA ta atan so gaween to. Tsk tsk tsk.

Ta ambisioso ka'n manmaliw ya pangolo na DOJ, atan so nala'm. Balet ikal ka'd tan ta pinatey mo'y katunongan na baley.

Saray matila'n presidential spokesmen

2010-04-22T20:18:00.000+08:00

Say kuandara'y tagasalita nen GMA, anggapo kono'y pibabali nen Arroyo ed pasia nen Agra nipaakar ed pangikal na asunto ed duaran Ampatuan diad agawa'n masaker diad Maguindanao. Siopa'y lokoen yo ey? Odino diad inkamoreng yo, sikato'n inyan da kayo'd tan?

Amin ya pasia na manooley ed saray dipartaminto, ondalan ya ondalan ed say pangolo ta sikato so mamapasia.

Odino sakey met ya mureng ya'n pangolo?

No anto'y inpasia nen Agra diad Maguindanao masaker, say natetel si Arroyo.

Sikato'n matila iraya'n tagasalita nen GMA. No anto'y kiew, sikato met so bonga to, awa?

COMELEC, OTC Paper Supply nen Henry Young: Ballot secrecy folder, manisia kayo'n P380?

2010-04-08T12:47:00.000+08:00

Agay lay mabli na ballot secrecy folder! P380 balang sakey! Makaayew ka'd COMELEC tan OTC Paper Supply ed sayan pikewet ya kontrata.

Diad inkasiba da ed kuarta, singa sara-sarag da'n lokoen so totoo.

Pigara kasi so apag daray miembro na COMELEC en banc ya angiter ya bindision ed saya? Pigara met kasi so apag nen Jose Tolentino? Akin tanga ya'y si Jose Melo ya ag da kono sinukay ya maung so kontrata?

Manisia kayo ballot secrecy folder P689.7 milion?

Agi, magsi-awit ti la labat la ya folder kasabi iliksion. Balet saray akibiang ed saya, ikolong ira. Andi, ipapaltog ira ed sakey ya firing squad. Walaak ed gilig ya manbantay.

Siopa'y ibotos ko natan ya iliksion?

2010-04-08T00:21:00.000+08:00

1. Saray mangusar na salitan Pangasinan ed saray campaign posters da.
2. Saray mansasalita'y Pangasinan ed campaign speeches da.
3. Saray onaabuloy ed pangusar na Pangasinan bilang salita ed panagbangat ed iskuilaan.
4. Saray mangiyulo na tugtuwan kultural ya rinasimiento na Pangasinan.
5. Saray makatalos na linawa na baley.
6. Saray makaamta ed ibolaslas na baley.
7. Saray maung ya mankimey ed iyabig na baley.

PNP Chief Versoza ed malinis tan patas ya iliksion: Kaokolan to so suporta'y baley

2010-04-08T00:09:00.000+08:00

Likod ed samay iskandalo nipaakar ed saray tatawagen ya "Euro Generals", saya'y inpaawet nen PNP Chief Jesus Versoza ya pansiansiaen to so mandato na PNP ed panangiyapiger na malinis tan patas ya panagbotos et baleg la'n ipatawir to ed siopaman ya ontombok ed sikato.

Kaokolan to'y suporta na totoo natan ya ag to labay so onabuloy ed getma na Malakanyang.

Saludo ak ed pasia to'n onboba ed puisto to kasumpal na Hunio 30 bilang pangiter to'y galang ed ontombok ya prisidinti.

Kaokolan ya ikalen so Malaysia ed GRP-MILF peace talks

2010-04-07T23:38:00.003+08:00

Kaokolan ya ontonda so gobierno na Malaysia ed pibabali to'd GRP-MILF peace talks ta wala'yconflict ed interest da nipaakar ed Sabah. Say Sabah et sakey ya dalin ikikinon na Pilipinas ya wala natan ed tiritorio na Malaysia.

Akin ta piliten ya iseksek na Malaysia so dili to no onia so kipapasen na relasion na Malaysia tan Pilipinas? Ta piano kasi naamtaan to so antokaman ya pamaakaran na GRP-MILF nipaakar ed Sabah?

Duga si Sinador Biazon ya kaokolan ya ikalen odino onikal so Malaysia ed sayan pitongtongan na GRP-MILF. Balet say MILF so mapilit. Akin kasi? Sikara kasi so pangaalaan na armas daray miembro to?

Akin ta intirisado nin siansia so Malaysia ed tongtongan na GRP-MILF?

Nanenengneng dan nayarin usaren so MILF ta piano linguanan na GRP so pibibiang to ed Sabah ed panamegley na pansuporta ed pilalek na MILF ya onalis so Mindanao ed oley na gobierno'n Pilipino.

Maung nin katongtongen so Indonesia tan The Netherlands ya onalagey ed sayan peace talks.

Iligal so panangibetang nen GMA ed si Yuchengco!

2010-04-04T13:58:00.000+08:00

Sesebelan na sangkatageyan ya ley so pangolo na mangibetang duaran bulan sakbay na panagbotos.

Aliwa labat ya aya. Akin ta mangibetang kay imbahador natan ya duaran bulan labat la et iliksion la? Ag ni ampetang so impanyorong to'd irongan, kaokolan sikaton manpatanir ta wala'y balon pangolo. Sakey ni, no tugtuwa ka'n ikonomista, mabli tan magastos no salatan mo so sakey ya career diplomat ya bigla-bigla. Ompano so isip to et ag la onbeba ed poder ya nayarin si Yuchengco ni so imbahador kasumpal na Hunio 30?

Balet no ikalen mo'y Delia Albert ya maronong ya diplomat ya ag ka ni nanpatanir, anto ka kasi'n pangolo?

Bastos tan tanga.

No aliwa so getma to ya'n impanbetang, sakey ka'n buanges ed oley.

Villar: Pigara'y bawien mo no wala ka la'd poder? (Dios ag met komon nagawa)

2010-03-29T23:51:00.001+08:00

Si Villar et sakey ya nigosianti.

No P1 bilyon so agastos to'd saya'y iliksion bilang poonan, pigara'n bilyon so nabawi to kasi no akayorong la sikato ed Malakanyang?

Say Dios ilaban to tayo komon.

Saray ag ibotos ya partylist

2010-03-29T23:44:00.000+08:00

1. 1-UTAK ta alaen dan onalagey ed sikara si Angelo Reyes
2. Ang Galing Pinoy ya labay dan pilien si Mikee Arroyo
3. Batang Iwas Droga (BIDA) ta pro-GMA
4. Adhikain ng mga Dakilang Anak ng Maharlika (ADAM) ta pro-GMA
5. Agbiag Timpuyog Ilocano (AGBIAG) ta pro-GMA
6. Babae para sa Kaunlaran (BABAE KA) ta pro-GMA
7. League of Youth for Peace and Development (LYPAD) ta pro-GMA
8. Kalahi Advocates for Overseas Filipinos (KALAHI) ta pro-GMA

tan arum niran partylist ya onaalagey ed onbabatik ya kongrisista ya si GMA.

Ispiker na Abung daray Kongrisista? Kogkogipen mo labat tan GMA ta ag nayari'n iyabuloy na baley. Siamira'n taon ya inkapangolo, agka la onsawa?

ABS-CBN tan arum niran kompania'd TV, minanabang ed iliksion

2010-03-29T23:30:00.000+08:00

Nen Marso 26 labat ginmapo so kampanya daray lokal ya kandidato. Akin balet onpapaway la so anunsio na sakey ya onbabatik ya miyor na Makati ed ABS-CBN ey?

Sinmobra la'y Villar ed airtime to ed TV. Balet akin ta nababantayan ni ray anunsio to ed TV ey?

Ag sarag kasi na sarayan kompania ya patondaen irayan anunsio no sinmobra la'd betang ya oras?

Say kua'y Kuarta: "Talk to me."

Manzano: Baleg ya lingo ed impanbatik nen Teodoro

2010-03-25T20:46:00.000+08:00

Si Edu Manzano so baleg ya lingo ed politikal ya taktika nen Gibo. Akin?

Si Manzano ag to sarag so manalo. Anggapo'd suri to ya nayari sikaton man-bisi prisidinti. Sakey labat sikato'n popular ya artista'n manmaung-maungan.

Natalo sikato ed sayan onsabin iliksion.

Nayari ton igoyor si Gibo paleksab.

Si Manzano et sakey ya bagahi nen Gibo ya anggapo'y sirbi to. Maung la'n binmatik si Teodoro'n anggapo'y bisi to.

Angeles, Guevara, antakot ed saray ambagel ya istudianti

2010-03-25T20:39:00.000+08:00

Onsosobra la'y lastog daray bomabasa ed UP tan PUP. Mapangta iran mangibantak na paintball ed opisina na CHED odino manpool na kagawaan diad PUP.

Iraya'n opisial balet so lalo'n makapabaing ta anggapo'y sibeg dan banoen tan ipanengneng da so awtoridad da ed arap daray arsonista tan akti-aktibista.

Diad sayan inaambagel ya kagagawa darayan istudianti, ataktakot ira.

Anto'y ipasabi to ya ey?

No ontombok ya taon, lalo'n naambagtit irayan istudianti ed kinapangta. Poolan da'y intiro'n iskuilaan.

Tan say kalidad na edukasion ed PUP, et aliwliwa la natan, lalo'n onaliwa.

Sankailin kompanian langis: Kabusol daray Pilipino

2010-03-24T12:04:00.000+08:00

Saray sankailin kompanian langis ed Pilipinas: Shell, Petron, Caltex, sikara'y kabusol na bansa'n Pilipino. Kada tagey na prisio na langis, sikato'y iyayaman da, sikato'y iyiirap met na ordinarion Juan de la Cruz.

Sikaton sikara'y kabusol na Pilipino.

Kabusol met daray Pilipino saray onaalagey ya aso ya Pilipino daray kompanian langis. Sikara so mansasalita tan manamegley ed ibaga darayan Multinational Companies (MNCs). Minanabang ira ed atagey ya suildo.

Wala met saray kasosio'n Pilipino ya sikara so minanabang ed kada tagey ya prisio na langis. Stockholder amo amay wala'd oley na gobierno natan ed sakey ed saraya?

Ta piano ontonda so panaari darayan kompania, mananap tayo'y altirnatibo'd langis: inirhia'n manlalapu'd dagem, danum, singaw, daluyong tan agew.

Sikayo'n Pilipino'n sientista, igapo yo la'y mansukay ed saraya ta no andi, sarayan kompania opoten da'y pilak na baley.

Kaokolan so TFI: Siopa ray singeg ed poolan ed PUP?

2010-03-24T11:10:00.000+08:00

Nabantayan ed TV so panselsel na apoy daray arum ya istudianti ed saray irongan diad PUP. Sasansangen da'y paraan ya itagey na wala'd oley na unibersidad say tuition fee.

Balet kaokolan ni ra kasi'n manpool ya gamit ed iskuilaan?

Pangolo'n Dante Guevara, akin pinolianan mo ra'n nagawa itan ed loob na kampus?

Saray mamaolo ed sayan golo, nepeg labat ira'n isuspindi. Nanmaliw iran maoges ya panaligan daray istudianti'n wala'd kalangweran lautla'd wala'd abeba tan atagey ya panbabasaan.

No aktibista ka'n onsosomlang ed autoridad ya wala ka'd nepeg mo'n alageyan, onaboloyak ed sika. Balet no arsonista ka, maong ni'n ikolong da ka'd pangawan.

Nasosobraan da lara'y manbabangat ed sarayan istudianti.

Diad sayan diniral tan pinoolan ya kagawaan na iskuilaan, manepeg labat ya itagey na PUP so tuition fee!

Paboritismo nen GMA, Dimoralisasion ed AFP

2010-03-23T21:03:00.000+08:00

Diad inpanbetang nen GMA ed si Hin. Bangit ya Class 78, atilak saray mas sinyor ni ed si Bangit ed leksab ya miembro na Class 76 tan 77.

Wala'y labay ya lutoen na binari ed sayan getma ya immabuloy so hiniral ta labalabay to met ya irongan amay betang. No wala'y delicadeza tan galang nen Bangit ed saray matakken ni ed sikato'd taon, akin awaten to may betang?

Balet sayan lulutoen da wala'y naluluto met ya ag labay nen GMA ya nagawa ta ompano saya so singeg ya agto aboten so Hunio 30: dimoralisasion ed AFP.

Saya'n dimoralisasion komon so mangiter ya biskeg ed AFP lautla'd saray dimoralisado ya ag ira onaboloy ed maoges ya pilalek dara'y wala'd oley ed saya'y onsabi'n iliksion.

Ag napanpiaan si Noynoy nipaakar ed Hacienda Luisita

2010-03-23T20:19:00.000+08:00

Dinmalan si Noynoy natan ya agew ed Pangasinan ta piano makala'y botos to'd saray masolok ya sakey milion ya Pangasinense. Bitbit to'y Kris ya makakailiw la ed Malakanyang.

Balet ag nayarin manalo'y Noynoy ed Pangasinan.

Sakey ya singeg: Hacienda Luisita.

Say kuanto no manalo'd iliksion bilang pangolo, say Hacienda Luisita et iter to la'd saray kasamak dima'd Tarlac ya mandadalos. Nitan balet may kapinsan to'n inbisuat to'd New York Times ya ag iter na pamilia Cojuangco so Hacienda ed saray dumaralos.

Siopa nata'y panisiaen?

No labay da'n tua ya iter itan, iter da la natan. Aliwan singa'd saya'y matila'n kiwas nen Noynoy.

Panisiaen da'y totoo lautla'd saray dumaralos diman ed Tarlac. No akayorong la ra ed poder, ilinguan da la ya'n promisa da.

Sikaton ag napanpiaan si Noynoy. No siak ag ko ipia so botos ko'd tila.

Nanlapu'd sangi na kabayo: Planas ed junta militar

2010-03-21T14:25:00.000+08:00

Diad kuan da lanti'd Inglis, "straight from the horse's mouth", malinew so getma na sayan gobierno nipaakar ed panagbotos. Say kua'y Charito Planas, no ag natoloy so iliksion, nayari'n manoley so sakey ya junta militar.

Junta militar?

Aliwan kasi'n saya so labay ya nagawa daray wala'd poder?

Nonoten ti pa.

Aya'y krisis ed iliktrik sikato ya so paraan da ta piano ibelyaw da ya ag sarag so panagbotos ed Mindanao. Natan ta failure of election, onggalaw la so AFP ed panamegley nen Hin. Bangit ta piano iyorong so sakey ya junta militar. Kasumpal ya pigaran simba odino bulan, diralen da yan junta ta iyorong da la may amta yo la no siopa.

Junta militar sirin et ag arawi'n nagawa.

Balet no natoloy ya, anggano Dios ag da ti la ilaban!

Pinmawil lamet so gun for hire, akin ag da napatonda ya na PNP?

2010-03-21T14:14:00.000+08:00

Sakey ya abogado na baley so pinaltogan da ed siudad na San Carlos.

Akin magano la'y manpapatey ed luyag? Akin kasi?

Ta say gun for hire et sakey la'n negosio dia ed Pangasinan.

No sayan krimin et koniktado ed panagbotos, natokoy langula saray partisan armed groups, saray pribado'n ngayew dara'y politiko.

PAG + Gun for hire = negosio tan golo.

Iner so panlalapuan darayan paltog? PNP, AFP, inposlit (smuggled) ya paltog.

No onia so kipapasen na probinsia, mananap ka la'y arum ya panayaman.

Say baleg ya panononong ed krisis ed iliktrik

2010-03-18T21:49:00.000+08:00

Saya so otit ya baraha ed lima dara'y wala'd oley: say krisis ed kurienti.

Saray mamaolo ed saya:

1. Opisina na pangolo
2. Dipartaminto na Inirhia
3. NAPOCOR
4. National Grid Corporation of the Philippines

Sayan "grand conspiracy" ipanengneng to labat so kinakapoy dara'y sientista tan inhinyiro'n Pilipino.

Ag komon onabot ed sayan krisis no tugtuwa yan krisis no maung saray totoo tayo ed sarayan abitla'n ahinsia.

Ta say pankaokolan ed inirhia na sakey ya bansa et naimano la'd kuenta diad andi labat samplura'n taon; sarag ti manparles angga'd limamplo'n taon. Anggano sakey siglo nayari ingen.

Makapoy met saray ikonomista tayo numero uno la'd wala'd tagey.

Pano'm ya polian so inirhia ed paraan na ibolaslas na bansa ta aya so kaokolan na saray industria ta piano nagamora'n so progriso?

Amtak ya saya'n krisis et artipisyal.

Sikaton sikayo'n makaamta ibaga yo pa la. Ta say pasnok na totoo sabien da kayo no linoloko'y nagawa ed sayan panagbotos.

Oy, 1-UTAK mureng kayo no paolian yo'y Reyes ya mila ed sikayo!

2010-03-18T21:20:00.000+08:00

Labay na 1-UTAK ya si Angelo Reyes so onalagey ed sikara ed Kongriso. Anto? Piolit yo pa. On, labay na 1-UTAK ya say promotor na panagtagey na gasolina so mangiwanwan ed sikara. Labay da'n say kasabwat dara'y kompania na langis so mangiyolo ed sikara.

Mureng kayo'n tua no ontan so labay yo! Odino diad dalem to ya kasabwat da ki met la ed paraan da'n gaween si GMA ya pangolon ministro?

Sirin, ag ti la ibotos so 1-UTAK lautla'n wadtan si Angelo Reyes!

Anggano labay tayo o andi, GMA kayarian to so mangibetang ed SC

2010-03-18T21:00:00.000+08:00

Sarayan abogado, maung iran manggawa'y labir.

No siopa ra'y kaokolan ya manpaliwawa'd ley, sika ni ra so manpabilonget ed kanonotan dara'y totoo.

Makapakelaw so dikano na UP College of Law tan say Philippine Bar Association ed ibabagara'n maoges ed pasia na Sangkatageyan ya Okom.

Anggano labay tayo odino andi, sarag nen GMA ta wala'd poder to so manpili iyorong to bilang pangolon okom ed taluran nominado na Judicial and Bar Council.

Hiniral Bangit: Manag-iter ya iligal ya ganggan si GMA?

2010-03-18T20:44:00.000+08:00

"Agak ni akaawat ya iligal ya ganggan ed si Pangolo'n Arroyo," saya so inbaga nen Hiniral Bangit, say balo'n yorong ya AFP chief of staff ya initdan da'y betang ta sikato kono'y mangiyolo langula ed paraan ya onbayag ed oley si GMA.

Anto'y labay mo'n ibaga, Hin. Bangit?

Ya si GMA et managganggan ed iligal ya kagagawa? Ya manpasalamat ka ta agto ka ni initdan ya maoges ya ganggan?

Manalagar ka ed saya'n onsabi'n iliksion.

Bureau of Fire Protection, anto'y singeg dara'y pool?

2010-03-18T14:59:00.000+08:00

Kada pool, nitan so BFP ya manerep na apoy san kasumpal mansukay no anto'y singeg. Balet kada sukay da, ag da nibaga'n diritsa no antoy nansingegan to.

Ibaga da ya nanlapu'd alinguanan ya aselselan ya kandila.

Odino ag narep ya electric fan singa'd pool ed Mangaldan.

Tokoyen da met may daan ya electrical wiring.

Anto kasi kuya'n bombero? Akin ag yo aaralen iraya? Odino ngiras yo labat ya mankimey.

Sangkatageyan ya Okom, aso nen Arroyo?

2010-03-17T19:48:00.000+08:00

Natan ya agew so impansingil nen GMA ed saray inyorong to'n okom ed Supreme Court.

Saray nanbayar ya otang ed linawa et sikara di:

1. Lucas Bersamin
2. Jose Perez
3. Roberto Abad
4. Martin Villarama
5. Teresita Leonardo-de Castro
6. Arturo Brion
7. Diosdado Peralta
8. Jose Mendoza
9. Mariano del Castillo.

Balet diad sangkatageyan ya ley, say kuanto'd artikulo VII nipaakar ed ihikutibo, seksion 15: "Duaran bulan kabebekta sakbay na ontombok ya panagbotos ed pangolo tan angga'd isompal na tirmino to, say pangolo odino onaalagey ya pangolo ag nayarin mangibetang, likod ed saray betang ya timporario ed posision ya ihikutibo no saray bakanti et diralen to so linkor ed publiko odino iyan to'd piligro so publiko'n kaalwaran."

Ag to sakop ya so pangibetang ed sangkatageyan ya okom.

Boxing bilang pakasilan na lapag ya bansa

2010-03-17T13:48:00.000+08:00

Ontotolong ed ikonomia si Pacman. Diad $12 milyon ya dolyar ya inpaway na laban to'd si Clottey, baleg so nailoob to'n kuarta ed foreign exchange reserves na bansa.

Natan, gaween ti la'n national sport odino pakasilan na lapag ya bansa so boxing.

Imbis ya onbatik, si Pacman la mangiyulo ed panggamor ed sayan getma.

Manbangat tayo'y dakerakel ni ya Pacman ya manmaliw iran champion. Anggapo'y duaruwa, makatolong ira ed ikonomia.

Pacman, mandengel ka pa'd si Mommy D

2010-03-17T13:33:00.000+08:00

No si Mommy D so natolok, ag to labay ya onbatik si Pacman ed sayan onsabi'n iliksion.

Mandengel ka pa'd Mommy D Manny.

Ag ka la mila'd mundo dara'y matila tan matakew.

Odino pitamitam mo met so mantila tan mantakew?

Tombok mo pa'y pilalek nen Mommy D Manny.